Yon Mizik Ki Reflete Gras Ak Detèminasyon

Nan endistri mizik ayisyen an, gen kèk atis ki rive touche nanm moun ak vwa yo ak mesaj yo. Pape James se youn nan yo. Ak nouvo mizik li, “Kounya Me Mwen,” li mete nou fas ak eksperyans pèsonèl li, batay li yo, ak viktwa li sou tout obstak ki te sou wout li.

Yon Mizik Ki Temwaye Fòs Ak Kouraj

« Kounya Me Mwen«  plis pase yon mizik, se yon temwayaj. Pawòl yo rakonte istwa yon jèn ki te konn kriye ak priye, men ki pa janm pèdi espwa. Li mete aksan sou jan Bondye te toujou la pou l kenbe l, siye dlo nan je l, epi leve l lè lòt moun te vle wè l tonbe. Ak yon refren senp, atis la pote yon enèji ki pwisan :

Yon mizik ki pote lespwa ak rekonesans, pandan l ap mete aksan sou moman difisil yo, e tout sa ki mete Pape James kote li ye jodia.

Gen sak te vlem tonbe
Bondye kenbe m
Lè dlo nan jem
Bondye k sechel
Lè yo te lagem
Bondye k kenbe m
Nan moman yo vid yo
Bondye konblem

Yon Istwa Kap Enspire w

Nan vès yo, atis la pale de eksperyans li depi li timoun, rèv li yo, e jan li pa t kite difikilte kraze l. Li rekonèt wòl Bondye ak fanmi li nan pakou sa, espesyalman granpapa li, ki te youn nan poto mitan lavi l. Li montre sa nan ekstrè sa :

Yon ti neg ki pap menm gon papa
Ki grandi ak gran papa
Aprè bondye, se grann, papa
M gen rezon pou m gran, papa

Atis la vle montre jan lanmou ak sipò fanmi enpòtan nan chak etap nan lavi li.

Pape James – Yon Talan Ki Merite plis Atansyon

Ak « Kounya Me Mwen, » Pape James fè plis pase kreye mizik, li voye yon mesaj lespwa ak rekonesans. Se yon mizik pou moun ki santi yo abandone, men ki bezwen raple ke yo pa janm poukont yo. Si w ap chèche yon mizik ki ap ba ou fòs epi ranfòse lafwa ou, “Kounya Me Mwen” se pou ou.

Pape James ap kontinye itilize talan l pou pote mizik ak sans kap touche nanm nou.

• WordPress